لحظه قبل لا تطلب البعد وتغيب
وتنهي معايه مرحله من حياتك
أخذ الهدايا والصور والمكاتيب
دامي خسرتك ما أبي ذكرياتك
يمكن يكون فراقنا رأيٍ مصيب
خيره .. كتبها الله جتني وجاتك
مع اني ادري انت ماعنك تجنيب
كنك موصيني وقاضب وصاتك
رح واترك بقلبي لك أربع معازيب
مـعزـتك طـاريـك حـبك غـلاتك
وإن شفتني أجمع شتاتي .. ماهو عيب
بــاكـر مع الأيــام تــجـمع شـتاتك
وإن شفتني شايل جروحٍ معاطيب
بــاكـر يصـير الجرح أبرز صفاتك
أكبر مصيبه في زمان العذاريب
إنّــي أحـبك وأنـت حـبـك لــذاتـك
الطيب لو إنك تجازيه بالطيب
مـاكـان تـالـي الـوقـت هـذي سـواتك
يا صاحبي لا صرت أغلا الأصاحيب
لا تزعل بـكيـفك وتـطـلب رضـاتك
أنــا حبـيبـك مبـعد الشـوح مانيب
من ضيّع جهاته .. يـدور جـهاتـك
إن كان ماعديت روس المراقيب
مـانـي كـفـو أصـلاً أنـام بـعبـاتـك
شفني مقدر عند عكف الأشانيب
مانـيـب من تومي عـليه بـعصاتك
رح للفراق إللي تركنا مصاويب
شـمّت اعـداتي قبـل تشمّت أعداتك
الله معك .. رح وين ماودك تغيب
هـذي حـياتك .. وأنـت حـر بحياتك
ليست هناك تعليقات:
إرسال تعليق